នៅព្រឹកថ្ងៃទី២១ ខែមេសា ឆ្នាំ២០២៥ នៅសាលប្រជុំខុទ្ទកាល័យអនុប្រធានទី២ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានអនុញ្ញាតប្រគេន ព្រះភិក្ខុមនាបោ ប៊ុត សុខគា ព្រះធម្មធរអនុគណស្រុក និងជាព្រះចៅអធិការវត្តសំពៅមាសកែវនិមិត្ត (ហៅវត្តក្វាំង) ស្ថិតនៅភូមិប៉ាលហាល ឃុំរីករាយ ស្រុករវៀង ខេត្តព្រះវិហារ និមន្តជួបសំណេះសំណាល។ ព្រះចៅអធិការវត្ត បានជម្រាបជូន ឯកឧត្តមបណ្ឌិត ធន់ វឌ្ឍនា អំពីប្រវត្តិ និងការខ្វះខាតរបស់វត្ត។
ឯកឧត្តមបណ្ឌិត ធ្លាប់ចូលរួមក្នុងក្រុមការងារចុះជួយខេត្តព្រះវិហារ ដោយបានជួយសហគមន៍ជាច្រើនក្នុងខេត្តព្រះវិហារ លើវិស័យកសិកម្ម និងអប់រំ។ ដើម្បីរួមចំណែកក្នុងព្រះពុទ្ធសាសនា ឯកឧត្តមបណ្ឌិត បានប្រគេនទេយ្យទាន និងបច័្ចយកសាងសាលាឆាន់នៅវត្តសំពៅមាសកែវនិមិត្ត។ ក្នុងឱកាសនោះដែរ ឯកឧត្តមបណ្ឌិត លើកយោបល់ផ្ទាល់ខ្លួនថា ព្រះពុទ្ធសាសនា បានដើតួនាទីយ៉ាងសំខាន់ក្នុងវិស័យអប់រំ និងវប្បធម៌ និងអាចដើរតួនាទីសំខាន់ផងដែរក្នុងការអភិវឌ្ឍទេសចរណ៍ សង្គម និងបរិស្ថាន។
ខ្លឹមសារ៖ ខុទ្ទកាល័យអនុប្រធានទី២ព្រឹទ្ធសភា
រូបភាព៖ នាយកដ្ឋានព័ត៌មាន
